Chaahe maar daalo raajaa,
Chaahe kaat daalo raajaa
Ham to yaarii karenge diladaarii karenge

Baalon men gajaraa baandhenge
Aur pairon men paayal
Honthon par laalii damakegii
Aur aankhon men kaajal
Chamakenge kaanon men jhumake
Aur maathe par jhuumar
Saare jalave saare nakhare
Saarii adaa_en lekar
Tumhen rijhaane kii puurii
Taiyaarii karenge

Chaahe maar daalo raajaa,
Chaahe kaat daalo raajaa
Ham to yaarii karenge
Diladaarii karenge

Tum aaye kabhii hamaare galii to
Ham chhat par aa jaayenge
Ishaare karenge ham tumako
Tumhen ham ghar men bulaayenge
Paan kabhii ham pesh karenge
Tumako raajaa jaanii
Aur kabhii maangenge tumase
Ham rumaal nishaanii
Pyaar men jo hotii hain
Baaten saarii karenge

Chaahe maar daalo raajaa,
Chaahe kaat daalo raajaa
Ham to yaarii karenge
Diladaarii karenge.