Bas ek chup si lagi hai
Nahin udaas nahin
Kahin pe saans ruki hai
Nahin udaas nahin
Bas ek chup si lagi hai

Koi anokhi nahin
Aisi zindagi lekin
Khub na ho
Mili jo khub mili hai
Nahin udaas nahin
Bas ek chup si lagi hai

Sahar bhi ye raat bhi
Dopahar bhi mili lekin
Hamin ne shaam chuni
Hamin ne
Shaam chuni hai
Nahin udaas nahin
Bas ek chup si lagi hai

Vo daasataan jo
Hamane kahi bhi
Hamane likhi
Aaj wo khud se suni hai
Nahin udaas nahin
Bas ek chup si lagi hai.