ye daulat bhi le lo, ye shoharat bhi le lo
bhale chhin lo mujhase meri javaani
magar mujhako lautaa do bachapan ka saavan
(vo kaagaz ki kashti, vo baarish ka paani)-2

muhalle ki sabase puraani nishaani
vo budhiya, jise bachche kahate the naani
vo naani ki baaton men pariyon ka dera
vo chahare ki jhuriryon men, sadiyon ka phera
(bhulaae nahin bhul sakata hai koi)-2
(vo chhoti si raaten, vo lambi kahaani)-2

kadi dhup men apane ghar se nikalana
vo chidiyaa, vo bul-bul, vo titali pakadana
vo gudiya ki shaadi pe ladana jhagadana
vo jhulon se girana, vo gir ke sambhalana
(vo peetal ke chhallon ke pyaare se tohafe)-2
vo tooti hui chudiyon ki nishaani
(vo kaagaz ki kashti, vo baarish ka paani)-3

kabhi ret ke unche tiilon pe jaana
gharaunde banaana, bana ke mitaana
vo maasuum chahat ki tasvir apani
vo khvaabon khilaunon ki, jaagir apani
(na duniya ka Gham tha, na rishton ke bandhan)-2
(badi khubasurat thi vo zindagaani)-4